Atli Týr Ægisson

Fjallgöngusumrinu árið 2015 er opinberlega lokið. Rútínan er að fara aftur í gang, skólinn byrjar í næstu viku, frelsinu er lokið og því ekki tími til göngutúra, a.m.k. ekki daglega eins og í sumar. Ég útiloka þó ekki að fara í einn og einn göngutúr í haust eftir því sem tími, veður og færð leyfa.

Tímabilið hófst frekar seint þetta árið, ekki fyrr en 4. maí, því það var vetur fram í miðjan maí. Það mun því hafa staðið yfir í 119 daga. Hér koma nokkrar skemmtilegar tölfræðiupplýsingar, teknar saman með aðstoð Endomondo:

• Samtals urðu gönguferðirnar 78, þar af 74 upp á Helgafell í Hafnarfirði.
• Flestir dagar í röð voru 14, á tímabilinu 20. júlí til 2. ágúst.
• Flestir dagar í röð án fjallgangna voru 10, frá 9.-18. maí.
• Samtals eru 423,57 kílómetrar að baki eftir fjallgöngur sumarsins.
• Og samtals hef ég varið 4 sólarhringum, 18 klukkutímum, 44 mínútum og 46 sekúndum á fjöllum þetta sumarið.

Einhverjum (kannski markaðs- eða auglýsingastjóra Heklu) fannst góð hugmynd að setja þetta segulskilti á landmælingastöpulinn uppi á Helgafelli í Hafnarfirði.

Maður er bara orðinn frægur fjallgöngukappi eftir einn af göngutúrum vikunnar:

Sjá nánar hér.

„Af hverju er ég að þessu? Hvað er eiginlega að mér? Að vakna klukkan fimm á morgnana til að fara í fjallgöngu?“ er ég búinn að hugsa alla morgna í þessari viku.
En þetta er gríðarlega gott, sérstaklega eftir á. Að koma blóðinu á hreyfingu og fara ferskur inn í daginn.

Fimmti og síðasti morgungöngutúrinn í þessari lotu var upp á Úlfarsfell í Grafarholti/Mosfellsbæ.
Það er nú létt verk og löðurmannlegt.

Dagur 5: Úlfarfsell.
Vegalengd: 3,93 km.
Tími: 1 klst. 13 mín. 53 sek.
Hæð: 309 m
Hækkun: 199 m

Í morgun var fetað í fótspor nóbelsskáldsins og farið á Grímannsfell. Halldór karlinn hafði það í bakgarðinum hjá sér á Gljúfrasteini og mun hafa gengið upp á það nokkrum sinnum.
Við fyrstu sýn virðist það vera frekar aumingjalegt og lítið, en það leynir á sér. Þetta er svona fjall sem maður heldur að maður sé kominn á toppinn eftir fyrstu brekkuna, en þá tekur við önnur brekka. Og önnur, og önnur og önnur…
Ekki erfið ganga, en rokið, norðanáttin og fimm stiga frostið höfðu sitt að segja.

Dagur 4: Grímannsfell.
Vegalengd: 4,50 km.
Tími: 1 klst. 48 mín. 39 sek.
Hæð: 438 m
Hækkun: 353 m

Í morgun var það Keilir, í fyrsta sinn síðan líklega árið 1984 eða ’85.
Hann var erfiðastur af fjöllum vikunnar hingað til, enda brattur alla leiðina upp.

Dagur 3: Keilir.
Vegalengd: 7,29 km.
Tími: 2 klst. 31 mín. 00 sek.
Hæð: 393 m

Dagur 2: Mosfell.
Vegalengd: 3,86 km.
Tími: 1 klst. 19 mín. 01 sek.
Hæð: 290 m
Hækkun: 199 m

Fjallgöngutímabilið 2015 er opinberlega hafið, með morgungöngum í boði Ferðafélags Íslands og VÍS.

Dagur 1: Helgafell, Hafnarfirði.
Vegalengd: 5,19 km.
Tími: 1 klst. 37 mín. 55 sek.
Hæð: 345 m
Hækkun: 259 m

Fór í dag upp á Helgafell, Hafnarfirði, í 100. skiptið á árinu 2014.
Það var sól og blíða á toppnum.