Atli Týr Ægisson

Svona var árið 2013 í myndum:

 

Tölur gærkvöldsins voru:
1 – 6 – 15 – 23 – 29 – 36

Röð E er svo sannarlega vinningsröð, með þrjár af þessum tölum.
Vinningsupphæðin er samtals 1.090 krónur.
(Upplýsingar af lotto.is).

Göngutúr á Sólheimajökul og um fleiri staði á suðurlandi sunnudaginn 27. október.

Ekki erfið ganga, en þrælskemmtileg.

Það er magnað að fylgjast með náttúrunni að störfum.

Sé smellt á myndina má sjá þær fleiri.

Um síðustu helgi, 4. – 6. október, var landsmót Sambands íslenskra lúðrasveita haldið í Þorlákshöfn.

Æfingar voru haldnar alla helgina. Afrakstur þeirra kom fram í formi stórtónleika í Íþróttamiðstöð Þorlákshafnar ásamt 200.000 naglbítum, Jónasi Sig. og Ritvélum framtíðarinnar og Fjallabræðrum.

Að loknu partýi eftir tónleikana var farið í hefðbundna næturskrúðgöngu, klukkan hálffjögur um nóttina.

Þorlákshafnarbúum virðist vera mjög vel við lúðrasveitatónlist, því margir þeirra biðu spenntir eftir því að vera vaktir með lúðrablæstri um miðja nótt. Engar kvartanir bárust vegna hávaða. Hins vegar heyrðist af kvörtunum frá fólki sem vaknaði ekki við gönguna. Og sumir buðu jafnvel þátttakendum göngunnar upp á kakó og pönnukökur.

Smellið á myndina hér fyrir neðan til að skoða fleiri myndir.

Alþingi var sett í dag.
Um 300-400 manns mótmæltu við setningu þingsins.

Smellið á myndina af þinghúsinu til að skoða fleiri myndir.