Það er þess virði að halda úti þessum vef þó ekki sé nema bara vegna hins árlega myndaannáls.

Ég man ekkert hvað hefur verið í fréttum á árinu. Það er því ekki tilefni til að vera með vangaveltur um þjóðfélags- eða dægurmálaumræðu. Enda er þetta ekki vettvangur fíflagangs. Þið getið fengið nóg af svoleiðis á fréttamiðlum og í umræðum meðal virkra í athugasemdum.

Fyrir mig hefur þetta verið ágætis ár. Ferðalög innanlands og utan komu við sögu. Þetta var ár breytinga. Þetta var ár nýrra verkefna. Þetta var ár tækifæra. Þetta var ár áskorana. Þetta var ár flutninga. En byrjum á byrjuninni.

Árið hófst í Borgarnesi, á sama stað og því síðasta lauk, eins og árin á undan.

Hélt áfram að vinna í Háskólanum. Varð fastráðinn þar í mars/apríl.

Fór niður í Raufarhólshelli.

Mætti á ættarþorrablót, samkvæmt venju.

Fór á UT-messuna í Hörpu. Sá risaeðlu.

Og skoðaði tunglið.

Spilaði með Lúðrasveit Hafnarfjarðar, Pollapönki og Kór Öldutúnsskóla á tónleikum.

Gekk reglulega upp á Helgafell. Mun hafa komið á toppinn sjötíuogtvisvar sinnum á árinu.

Sá Jesus Christ Superstar í Hörpu um páskana.

Fór í Costco í fyrsta sinn.

Eignaðist svona tímabundinn nágranna á vordögum.

Fór út í Viðey.

Fór með þessu fólki til Münchenar og Ítalíu.

Drakk bjór í Augustiner-bjórgarðinum.

Kom við í Innsbruck

Sigldi á Garda-vatninu.

Fór til Feneyja.

Kom við í Mílanó.

Fór í innanlandsflug í fyrsta skipti í þrjátíu ár. Fékk samt ekkert flugviskubit. Síðast var það til Ísafjarðar. Í þetta sinn var það líka til Ísafjarðar.

Heimsótti Gamla bakaríið.

Fór á tvær bæjarhátíðir á Vestfjörðum.

Fór upp á Bolafjall. Tvisvar sinnum. Í annað skiptið í þoku, í hinu í sólskini og fögru útsýni.

Fór í bíó á Ísafirði.

Borðaði á Tjöruhúsinu.

Frá Ísafirði lá leiðin norður. Stoppaði í Brynjuís á Akureyri

Stoppaði á Húsavík.

Kom við í Ásbyrgi.

Gisti á Syðra-Lóni.

Tíndi dún í æðarvarpinu á Syðra-Lóni.

Fór út á Font á Langanesi.

Fór út að Skálum.

Skoðaði hesta á Syðra-Lóni

Skoðaði gamla bæinn að Bustarfelli

Kynnti mér skemmtanalífið á Þórshöfn.

Fór upp í Reykholt.

Fór í bað í Kraumu.

Heimsótti álverið í Straumsvík. Og spilaði þar líka.

Fór í jazzgöngu í Reykjavík

Gerðist stundakennari við Háskóla Íslands og kenndi u.þ.b. hálft námskeið. Eitthvað sem ég sá aldrei fyrir mér að gera í upphafi ársins.

Fór í vinnuferð á Laugarvatn.

Ákvað að gerast þræll banka og lífeyrissjóða um ókomin ár og keypti íbúð. Í miðbæ Hafnarfjarðar.

Spilaði á nokkrum októberfestum.

Heimsótti Jólaþorpið í Hafnarfirði

Hélt upp á jól og hækkandi sólargang undir lok ársins.

Og þannig var nú það. Fleira markvert hefur svo sem gerst á árinu. En myndavélin hefur oft gleymst, ýmist heima eða í vasanum, og þess vegna eru sumir atburðir ekki skráðir hér.

Munið að lokum að þið þurfið ekki að kaupa flugelda til að styðja björgunarsveitirnar. Til dæmis má kaupa Rótarskot eða gerast Bakvörður. En gangið hægt um gleðinnar dyr á gamlárskvöld.

Takk fyrir samskipti og samveru á árinu 2019. Með von um að árið 2020 verði ennþá betra og skemmtilegra.