2023 er senn liðið í aldanna skaut og aldrei það kemur til baka. Kannski því miður? En kannski sem betur fer? Hvernig var svo þetta ár, svona í stóra samhenginu?

Jarðskjálftar. Eldgos. Meiri jarðskjálftar. Meira eldgos. Grindavík ónýt. Allir þessir jarðskjálftar og svo bara tvö lítil og aumingjaleg eldgos! Mér finnst ég hafa verið svikinn. Að upplifa alla þessa jarðskjálfta til einskis!

Stríð. Þjóðernishreinsanir – og enginn sem vald hefur gerir neitt í því! Útlendingahatur á Íslandi. Fólk sem er ekki nógu hvítt fyrir Ísland sent út á götuna. Eða til útlanda út í dauðann. Eða handtekið fyrir að vera of hörundsdökkt.

Verkföll, ef ég man rétt. Spilltir pólitíkusar. Vanhæf ríkisstjórn. Ónýt ríkisstjórn. Stýrivaxtahækkanir. Ónýtur gjaldmiðill og endalaust dýrt að lifa á Íslandi. Hvenær fáum við evru á Íslandi? Nei… bara djók. Það má ekki tala um það. Því svona viljum við hafa það.

Að öðru leyti man ég ekki, frekar en venjulega, hvað hefur verið í fréttum á árinu. Og við skulum ekkert vera að rifja upp fréttatengd málefni. Er það ekki bara ávísun upp á fýlu og þunglyndi?

En þrátt fyrir allt hefur þetta verið ágætis ár fyrir mig. Ég gerði mér engar vonir í upphafi. Kannski það hafi haft eitthvað að segja?

Rifjum nú upp hvernig þetta var hjá mér, a.m.k. út frá nokkrum myndum og myndböndum sem ég tók á árinu.

Það hófst á sama stað og því síðasta lauk: Í Hafnarfirði.

Djammaði með Gylfa Ægis.

Lífið fór smám saman að færast í eðlilegt horf eftir Covid-smit og samkomutakmarkanir undanfarinna ára. Mætti loksins aftur á Þorrablót Syðra-Lónsætttar.

Tók nokkra sundspretti í Vesturbæjarlauginni.

Mætti á og tók þátt í Háskóladeginum.

Spilaði með þessu fólki í Hörpu:

Sá Mugison á tónleikum.

Hitti Guðna okkar á öðrum tónleikum.

Labbaði nokkrum sinnum upp á Helgafell. Mun hafa komið á toppinn 18 sinnum þetta sumarið.

Fékk ekki páskaegg um páskana, heldur bara súkkulaði. Og nóg af því! Því ég nenni ekki öllu þessu hlaupi og lakkrís sem er inni í páskaeggjum núna.

Spilaði í skrúðgöngu í fullum fjólubláum skrúða á sumardaginn fyrsta.

En þetta var stutt sumar, því það kom eiginlega strax vetur aftur!

Sá Valdimar í Bæjarbíói í Hafnarfirði.

Fór í jarðfræðiferð um Reykjanes ásamt starfsfólki í stjórnsýslu Háskóla Íslands, undir leiðsögn Ármanns Höskuldssonar.

Lærði ýmislegt skemmtilegt og áhugavert um Ísland og Reykjanes í þessu ferðalagi. Tvö myndbönd, tekin í Eldvörpum:

Hélt bíllausa lífstílnum áfram:

Komst upp í 3000 kílómetra…

… og 4000 kílómetra.

Fór upp í bústað við Geysi um hvítasunnuhelgina.

Skoðaði Friðheima

Þessi kvaddi á árinu:

Fór með þessu fólki til Ítalíu:

Aðeins meira frá Ítalíu:

Frá Ítalíu lá leiðin til Zürich í Sviss, í ferðalag með þessu fólki:

Skoðuðum vínbúgarðinn og fórum í vínsmökkun hjá Höskuldi.

Það er til flutningafyrirtæki í Þýskalandi/Austurríki sem heitir Transkona. Varð bara að koma því að hér:

Fer ekki með lúðrasveitinni til útlanda án þess að koma við í München:

Spilaði í Augustiner-bjórgarðinum.

Kom svo heim frá útlöndum og mætti í Tjaldið í Hjarta Hafnarfjarðar. Hékk þar næstum því allar helgar í júlí:

Meira úr Hjarta Hafnarfjarðar. Og allt þetta fólk sem var þarna líka! Sjáum nokkur þeirra:

Fór líka upp á Betri stofuna, í turninum í Firði.

Fór í bað í Kraumu í Borgarfirði.

Sá reykinn af fyrra eldgosi ársins frá toppi Helgafells.

Mætti á Menningarnótt í Reykjavík

Lúðrabardagi…

…Porsche-sýning…

…og bjór. Hvað þarf maður meira á Menningarnótt?

Mætti á og tók þátt í árgangagöngu á Ljósanótt í Reykjanesbæ, í hávaðaroki og rigningu.

Spilaði á nokkrum októberfestum, eins og venjulega.

Spilaði með þessu fólki á tónleikum í Víðistaðakirkju:

Sá Baggalút á tónleikum.

Gerði laufabrauð

Söng á tónleikum með þessu fólki:

Sá bjarmann af desembergosinu frá þaksvölunum:

Borðaði skötu á Þorláksmessu.

Hélt upp á hækkandi sólargang síðustu viku ársins.

Um það bil þannig endar þetta ár.

Hér vantar reyndar fleiri bjórmyndir. En það lætur mig líta illa út að birta allar þessar bjórmyndir sem ég tók á árinu. Hér er þó ein, valin af handahófi:

Að lokum vil ég þakka ykkur öllum sem komuð við sögu hjá mér á árinu, sama hversu lítið eða mikið það var, og sama hvort þið lentuð í þessum myndaannál eða ekki.

Eins og síðast ætla ég ekki að jinxa þetta og segja ég að ég sé til í tuttuguogfjögur. Nei – ég ætla ekki að gera mér neinar vonir um næsta ár. Það sem kemur mun koma og við verðum að takast á við það.

En ég vona að næsta ár færi okkur ennþá meiri gleði, hamingju, meiri og betri samverustundir og samskipti heldur en árið sem er að líða. Og bara alls konar gott og skemmtilegt.

Því ég lifi í voninni!

Ást og friður, krakkar mínir – við þurfum svo sannarlega á hvoru tveggja að halda nú um stundir.

Takk fyrir mig 2023!