Engar hugleiðingar um ástandið í heiminum eða þjóðfélaginu um þessi áramót. Ég lofaði líka einhverntíma að þessi vefur yrði ekki vettvangur pólitískrar dægurmálaumræðu. Það er nóg af svoleiðis annars staðar á internetinu. Það fer líka betur með geðheilsuna að fylgjast ekki með fréttum. Vindum okkur bara beint í það hvernig þetta ár hefur verið hjá mér.

Fyrir mig hefur þetta verið ágætis ár. Ég hef komist stóráfallalaust í gegnum það. Heilsan hefur verið í lagi, sem maður getur þakkað fyrir, kominn á þennan aldur. Hjólatúrar og fjallgöngur. Og sund eftir því sem Vesturbæjarlaugin var opin. Fullt af ferðalögum. Mikið spil. Smá söngur. Smá kaffi. Mikill bjór. En svoleiðis myndir þola ekki alltaf dagsljósið. Samverustundir með vinum, kunningjum og ættingjum, bæði hérlendis og erlendis.

Ég segi ekki alltaf frá öllu á samfélagsmiðlum sem ég geri. Facebook er líka orðin svo leiðinleg. Það er miklu betra að taka bara það helsta saman frá árinu og segja frá því öllu í einu. Og þá á stað sem Hr. Sykurbergur hefur ekki ritstjórnarvald yfir.

Hér eru helstu hápunktar ársins.

Árið 2025 byrjaði á sama stað og 2024 endaði: í Birkibergi í Hafnarfirði.

Hélt áfram að vinna þarna:

Þrjóskaðist við að hjóla í vinnuna, næstum því á hverjum degi. Slapp lifandi, ómeiddur og án slysa frá bílafrekjunni þetta ár.

En allar þessar lokanir og helvítis hjáleiðir að gera hjólandi og gangandi lífið leitt! Þetta ár hefur sýnt að skipulagsyfirvöld og verktakar, hvar sem þau eru á höfuðborgarsvæðinu, kunna ekki að útbúa almennilegar, notendavænar hjáleiðir.

Mætti á árlega ættarþorrablót Syðra-Lónsættar í febrúar.

Mætti á UT-messuna í Hörpu.

Spilaði á þorrablóti Hafnarfjarðar. Og læt ekki góð tækifæri til myndatöku í myndakössum frá mér sleppa.

Mætti á árshátíð Háskóla Íslands. Það var gaman.

Mætti og tók þátt í háskóladeginum, samkvæmt venju.

Söng Carmina Burana með þessu fólki.

En ákvað á haustdögum að taka mér pásu frá kórstörfum. Það reyndist svo afdrifarík pása að kórinn var, að því er virðist, lagður niður og sameinaður öðrum. Talandi um að vera ómissandi!

Spilaði á tónleikum í Hörpu með þessu fólki.

Fór í nokkra göngutúra upp á Helgafell. Mun þó ekki hafa komið þangað upp nema 17 sinnum þetta árið. Hér er strax komið tækifæri til bætinga á næsta ári.

Fór í vorferð til Münchenar með þessum:

En þessi ferð var ekki bara bjórdrykkja, heldur líka endurmenntun. Fór að hlusta á hvernig heimamenn spila bæverska polkamúsík.

Kom á Bessastaði í fyrsta sinn á ævinni.

Fór til Prag.

Spilaði með þessu fólki í Prag. Fengum m.a.s. gullverðlaun fyrir frammistöðu okkar!

Fór í bað í Kraumu

Fór til Barcelona, til að fá eitthvað sumar og sól á þessu ári.

Gerði líka stutt stopp í Frakklandi og Andorra.

Fór til Montserrat.

Skoðaði Casa Batllo, sem var bara á næsta götuhorni við hótelið mitt í Barcelona.

Heilsaði upp á gíraffa.

Skoðaði Sagrada Familía, að innan sem utan.

Fór til Girona

Sá rómverskar fornminjar í Tarragona

Lærði hvernig á að elda paellu.

Hékk í tjaldinu í Hjarta Hafnarfjarðar flestar helgar „sumarsins“, á meðan ég var ekki í útlöndum.

Greifarnir í tónleikatjaldinu í Hjarta Hafnarfjarðar, á laugardagskvöldi verslunarmannahelgar.

Synti í Vesturbæjarlauginni, á meðan hún var ekki lokuð vegna fúskvinnu verktaka.

Fékk mér kaffi með þessu fólki.

Aðstoðaði vini í vanda á menningarnótt.

Fór aftur til fortíðar og eignaðist plötuspilara.

Spilaði á nokkrum októberfestum um haustið, eins og venjulega.

Fór í vinnuferð til Vínar. En byrjaði í smá túristaleik þar. Skoðaði Stefánsdómkirkjuna.

Borðaði Sachertertusneið á Sacherhótelinu.

Skoðaði Schönbrunn-garðinn.

Fór á Drupal-ráðstefnu, m.a. með þessu fólki.

Ég og Drupal-kúlan í Vín.

Tókst næstum því að kveikja í IKEA-geitinni.

Spilaði með þessu fólki í Víðistaðakirkju.

Bjó til laufabrauð fyrir jólin.

Fór í aðventuferð til Kaupmannahafnar með þessu fólki.

Skoðaði jólamarkaði í Kaupmannahöfn.

Fór yfir Eyrasundsbrúna, til Malmö.

Skoðaði jólin í Tívolí.

Heimsótti Friðrik kóng.

Sá Litlu hafmeyjuna.

Labbaði upp í Sívalaturninn.

Og kynnti mér kraftbjóramenningu Kaupmannahafnar.

Borðaði skötu á Þorláksmessu.

Hélt upp á jól og hækkandi sólargang í lok ársins.

Nýtti svo hlýindakaflann og snjóleysið í þrjá Helgafellsgöngutúra dagana milli jóla og nýárs.

Og nokkurnveginn svona lýkur árinu 2025.

Þakka öllum fyrir samveru og samskipti á þessu ári. Megi 2026 færa ykkur fullt af skemmtilegheitum, kærleik, gleði, gæfu, ást frið og allskonar.