Þetta hefur kannski ekki verið gott ár á alþjóðavettvangi. Til dæmis allir þessir listamenn sem hafa yfirgefið sviðið á árinu. Flóttamannavandi, stríð í Sýrlandi, þjóðernishyggja, hryðjuverk, kynþátta- og útlendingahatur úti um allan heim, Brexit í Bretlandi, Donald Trump í Bandaríkjunum, sjálfhverfir og gleymnir íslenskir kjósendur, þrælslundaðir Íslendingar sem láta endalaust vaða yfir sig og kjósa sama skítinn yfir sig aftur og aftur…

En við tölum ekki um pólitík hér!

Fyrir mig hefur þetta samt verið ágætt ár þrátt fyrir allt. Heilsan hefur verið fín, sem maður getur verið þakklátur fyrir, kominn á þennan aldur. Og það hefur verið nóg að gera. Til að sýna fram á það er hér hinn árlegi myndaannáll.

Árið 2016 var árið sem ég:

Byrjaði í Borgarnesi, eins og venjulega.

Bakaði þessa súkkulaðiköku.

Mætti í eins árs afmæli hjá þessari dömu:

Hékk þarna stóran hluta ársins.

Og hékk á þessu svæði.

Tók þátt í bingói…

…og vann þessa vinninga.

Tók upp myndband fyrir bókhlöðuna…

…meðal annars ofan af þaki Hótel Sögu.

Mætti á þorrablót með þessu fólki (og fleiri ættingjum).

Heimsótti RÚV

Mætti á æfingar og spilaði á tónleikum með þessu fólki

Fékk mér far um Reykjavík með útsýnisstrætó…

…fór upp í turn Hallgrímskirkju…

…í Perluna…

…og fór í nokkra myndagöngutúra um miðborg Reykjavíkur til að búa til þessa ljósmyndabók. Gaf hana út í einu prentuðu eintaki.

Mætti á ársátíð í kúrekabúningi.

Mótmælti á Austurvelli…

…meðal annars út af þessum:

Tók þátt í fyrsta-maí-göngu í Hafnarfirði samkvæmt venju.

Söng á tónleikum með þessu fólki.

Gekk upp á Helgafell allt sumarið, samkvæmt venju.
Samtals mun ég hafa komið í 72 skipti upp á toppinn á þessu ári.

Hitti Lilla apa í návígi!!!
OMG!!! Starstruck!

Spilaði með þessu fólki í sjónvarpsupptöku

Náði í þyrlu uppi á Helgafelli.

Fór með þessu fólki í ferðalag um Suðurland.

Hékk þarna mest allt sumarið vegna vinnu.

Naut útsýnisins úr vinnunni.

Mætti á menningarnótt í Reykjavík.

Mætti á ljósanótt í Reykjanesbæ með þessu fólki:

Spilaði á tónleikum og mætti í partý með þessu fólki (og fleirum sem eru ekki á myndinni):

Fór í bústaðarferð með þessum vitleysingum:

Spilaði á októberfesti.

Fór á Baggalútstónleika í Háskólabíói.

Hélt svo upp á hækkandi sólargang og jólin í lok ársins.

Og þannig var nú það.

Ef þið saknið mynda frá einhverjum atburðum þá er það af því að ég hef ekki verið nógu duglegur að taka myndir, svona almennt. Ég lofa að vera duglegri í myndatökum á næsta ári.

Ég vil þakka öllum sem með einum eða öðrum hætti hafa komið við sögu í lífi mínu á þessu ári – sama hversu stórt eða lítið hlutverk það hefur verið. Þið vitið hver þið eruð. Takk fyrir samveru og samskipti – með von um að næsta ár verði enn betra og skemmtilegra en það sem nú er senn á enda.

Takk, krakkar mínir!