Nú eru menn allsstaðar á landinu að mynda meirihluta. Þessar meirihlutamyndanir eru afleiðingar þess að á laugardaginn voru kosnir fulltrúar til að sitja í stjórnum sveitarfélaga.
Við (þ.e. við sem mættum á kjörstað á annað borð) vorum að kjósa ákveðinn fjölda fulltrúa til að vinna saman í stjórn viðkomandi sveitarfélags. Við vorum ekki að kjósa þessa 12 eða 6 til að vinna saman og 11 eða 5 til að sitja hjá og firra sig ábyrgð af því að þeir eru í minnihluta.
Það ætti ekki að þurfa að hafa ákveðna meiri- eða minnihluta í sveitarstjórnum. Enga stjórn eða stjórnarandstöðu. Þessir 23 eða 11, eða hver sem fjöldi fulltrúa er, eiga bara að vinna saman. Allir. Til þess voru þau kosin.
Þetta er ekki eins og á alþingi, þar sem meirihluti þess verður að styðja, eða a.m.k. að sætta sig við ríkisstjórnina.
Ég finn a.m.k. ekkert við lauslega yfirferð á lögum um kosningar til sveitarstjórna nr. 5/1998 um að í stjórn sveitarfélags skuli vera fyrirfram skilgreindir meiri- og minnihlutar. Ef einhver getur bent mér á hvar það stendur í lögum skal ég kannski skipta um skoðun.
Svo eru sveitarstjórnarfulltrúar að fjalla um málefni sem þeir eru 90% sammála um. Held ég. Um hin 10 prósentin mega menn svo rífast og komast að einhverju samkomulagi um.
Þannig að:
Vinnið meira saman.
Því það er meira gaman.
Þetta er búið að vera ömurlegt ár, svona í stóra samhenginu. Trump forseti í Bandaríkjunum. Kim leiðtogi í Norður-Kóreu. Þjóðernispopúlismi, einræðistilburðir og skoðanakúgun ráðandi meðal stjórnmálamanna í heiminum. Við virðumst ekki ætla að læra neitt af sögunni.
Og ekki var það betra á Íslandi. Ung kona myrt eftir djamm í miðbæ Reykjavíkur og líkinu komið fyrir á afviknum stað. Ungur maður myrtur á Austurvelli. Æðstu embættismenn þjóðarinnar hylma yfir með barnaníðingum og kynferðisafbrotamönnum. Íslendingar fá tækifæri til breytinga, en glutra því niður og kjósa bara það sama yfir sig aftur.
Þetta var 2017 í grófum dráttum.
En fyrir mig hefur þetta samt verið ágætis ár. Heilsan hefur verið fín, ég hef haft nóg að gera og tímar til að gleðjast í góðra vina hópum hafa verið fjölmargir.
Ég hef ekki tekið myndir af því öllu. Því stundum er betra að njóta augnabliksins án þess að heimurinn og samfélagsmiðlar fái að vita af því.
En svona var árið 2017 í myndum:
Það hófst í Borgarnesi, eins og venjulega. Áramótaflugeldar í Borgarnesi
Mætti á árlegt ættarþorrablót, m.a. með þessum: Af þorrablóti Syðra-Lónsættar 2017
Útskrifaðist með tvær háskólagráður. Vantar nú tvær í viðbót til að verða eins og Georg. Útskriftarskírteinin
Eignaðist þessa litlu frænku: Anna Jakobína
Mætti á árshátíð í þessari múnderingu: Á leið á 80s árshátíð Kammerkórs Hafnarfjarðar
Gekk upp á Helgafell. Samtals mun ég hafa komið þangað á toppinn 80 sinnum á árinu. Á Helgafelli 30. mars.
Byrjaði að vinna þarna: Neshagi 16, húsnæði Reiknistofnunar Háskóla Íslands.
Klæddist fjólubláa búningnum reglulega á vordögum. Á sjómannadaginn.
Fór með þessu fólki til Münchenar, Salzburgar og nágrennis… Lúðrasveit Hafnarfjarðar og fylgihlutir í Salzburg.
…spilaði á trompet… Á tónleikum í Mirabell-garðinum í Salzburg.
…og drakk ógrynnin öll af bjór. Enn ein krúsin tæmd í Augustiner-bjórgarðinum í München.
Færði mig um set í vinnunni og flutti þangað: Aðalbygging Háskóla Íslands.
Naut útsýnis í vinnunni inn á milli skyldustarfa. Öskjuhlíð og nágrenni, séð út um glugga á aðalbyggingu Háskóla Íslands.
Fór með þessu fólki í söngferðalag í Borgarfirði: Hluti af Kammerkór Hafnarfjarðar.
Aðstoðaði við pallasmíði í Borgarnesi: Pallur í smíðum í Klettavík í Borgarnesi.
Fór í bæinn á menningarnótt Menningarnótt í Reykjavík.
Sá Hringadróttinssögu í Hörpu. Bíótónleikar í Hörpu
Fór á Laugarvatn. Hestur á túni fyrir utan héraðsskólann á Laugarvatni.
Spilaði á nokkrum októberfestum víðs vegar um bæinn. Októberfest
Synti í Vesturbæjarlauginni. Vesturbæjarlaug
Fór í nokkra göngutúra um Ægisíðuna: Göngustígur við Ægisíðu.
Átti í nokkrum samskiptum við þennan vinnufélaga: Rósalind háskólaköttur.
Spilaði á tónleikum með þessu fólki: Lúðrasveit Hafnarfjarðar og Flensborgarkórinn.
Hélt upp á jól og hækkandi sólargang undir lok ársins, með tilheyrandi letikasti og ofáti. Jólatréð 2017
Þannig var nú það.
Ég þakka að lokum samveru og samskipti á árinu 2017, hversu mikil eða lítil sem þau voru.
Með von um að 2018 verði miklu betra og skemmtilegra.
Eru allir farnir í sumarfrí?
Ég sit í strætó klukkan átta – á leið 1 – á leið til Reykjavíkur og það er enginn hér – fyrir utan bílstjórann.
Venjulega er þetta álagstími og vagninn stappfullur.
Vildi næstum því óska að hann væri fullur og ég þyrfti að standa.
Það er komið að leiðarlokum hér. Ég er hættur að tjá mig á þessum vettvangi. Þessum vef verður þó ekki lokað – hann verður bara fluttur.
Því ég vil áfram eiga möguleika á því að láta rödd mína heyrast á internetinu. Því fer þó fjarri að ég ætli að gerast moggabloggari eða það sem verra er: virkur í athugasemdum. Þið vitið hvaða skoðun ég hef á svoleiðis fólki.
Lénið atlityr.com, verður látið deyja drottni sínum í lok sumarsins, þ.e. í byrjun september næstkomandi. Því það er óþarfi að eiga tvö lén ef maður er ekki fyrirtæki eða stofnun úti í bæ.
Við tekur vefurinn orðabókin.is. Þar má skoða íslensk slangurorð og nýyrði og koma með tillögur og uppástungur að viðbótum.
Og nú þegar verndaðs umhverfis skólans nýtur ekki lengur við er kominn tími til að fara aftur út í þetta raunverulega líf og leita að einhverri almennilegri vinnu.
Ef einhver þarna úti vill ráða til sín íslenskufræðing, menningarmiðlara og vefmiðlara, sem hefur reynslu af textagerð, miðlun og vinnslu efnis fyrir vefinn og ýmislegu fleira, má hafa samband hér.
Þetta hefur kannski ekki verið gott ár á alþjóðavettvangi. Til dæmis allir þessir listamenn sem hafa yfirgefið sviðið á árinu. Flóttamannavandi, stríð í Sýrlandi, þjóðernishyggja, hryðjuverk, kynþátta- og útlendingahatur úti um allan heim, Brexit í Bretlandi, Donald Trump í Bandaríkjunum, sjálfhverfir og gleymnir íslenskir kjósendur, þrælslundaðir Íslendingar sem láta endalaust vaða yfir sig og kjósa sama skítinn yfir sig aftur og aftur…
En við tölum ekki um pólitík hér!
Fyrir mig hefur þetta samt verið ágætt ár þrátt fyrir allt. Heilsan hefur verið fín, sem maður getur verið þakklátur fyrir, kominn á þennan aldur. Og það hefur verið nóg að gera. Til að sýna fram á það er hér hinn árlegi myndaannáll.
Mætti á þorrablót með þessu fólki (og fleiri ættingjum).
Þorrablót Syðra-Lóns-ættar 2016.
Heimsótti RÚV
Ríkisútvarpið.
Mætti á æfingar og spilaði á tónleikum með þessu fólki
Lúðrasveit Hafnarfjarðar
Fékk mér far um Reykjavík með útsýnisstrætó…
Rauður útsýnisstrætó fyrir utan Hörpu.
…fór upp í turn Hallgrímskirkju…
Hallgrímskirkja
…í Perluna…
Perlan
…og fór í nokkra myndagöngutúra um miðborg Reykjavíkur til að búa til þessa ljósmyndabók. Gaf hana út í einu prentuðu eintaki.
Í miðborg Reykjavíkur sumardaginn fyrsta.
Mætti á ársátíð í kúrekabúningi.
Yðar einlægur í kúrekabúningi.
Mótmælti á Austurvelli…
Mótmæli fyrir utan Alþingishúsið.
…meðal annars út af þessum:
Sigmundur Davíð Gunnlaugsson
Tók þátt í fyrsta-maí-göngu í Hafnarfirði samkvæmt venju.
Sömu gömlu kröfuspjöldin
Söng á tónleikum með þessu fólki.
Kammerkór Hafnarfjarðar
Gekk upp á Helgafell allt sumarið, samkvæmt venju.
Samtals mun ég hafa komið í 72 skipti upp á toppinn á þessu ári.
Yðar einlægur uppi á Helgafelli í Hafnarfirði.
Hitti Lilla apa í návígi!!!
OMG!!! Starstruck!
Lilli api
Spilaði með þessu fólki í sjónvarpsupptöku
Lúðrasveit Hafnarfjarðar við upptökur á Borgarstjóranum.
Náði í þyrlu uppi á Helgafelli.
Yðar einlægur með þyrlu á Helgafelli
Fór með þessu fólki í ferðalag um Suðurland.
Lúðrasveit Hafnarfjarðar við Hótel Geysi
Hékk þarna mest allt sumarið vegna vinnu.
Landspítali – Landakoti
Naut útsýnisins úr vinnunni.
Útsýnið af fimmtu hæð Landakotsspítala.
Mætti á menningarnótt í Reykjavík.
Mannfjöldi í miðborg Reykjavíkur á menningarnótt.
Mætti á ljósanótt í Reykjanesbæ með þessu fólki:
Lúðrasveit Hafnarfjarðar enn einu sinni – nú á ljósanótt í Reykjanesbæ.
Spilaði á tónleikum og mætti í partý með þessu fólki (og fleirum sem eru ekki á myndinni):
Eitthvað lúðrasveitafólk að spila í Mosfellsbæ.
Fór í bústaðarferð með þessum vitleysingum:
Nokkrir bassar og terónar úr Kammerkór Hafnarfjarðar
Spilaði á októberfesti.
Yðar einlægur í októberfestgallanum.
Fór á Baggalútstónleika í Háskólabíói.
Baggalútur og Ómar Ragnarsson á tónleikum í Háskólabíói.
Hélt svo upp á hækkandi sólargang og jólin í lok ársins.
Jólatré
Og þannig var nú það.
Ef þið saknið mynda frá einhverjum atburðum þá er það af því að ég hef ekki verið nógu duglegur að taka myndir, svona almennt. Ég lofa að vera duglegri í myndatökum á næsta ári.
Ég vil þakka öllum sem með einum eða öðrum hætti hafa komið við sögu í lífi mínu á þessu ári – sama hversu stórt eða lítið hlutverk það hefur verið. Þið vitið hver þið eruð. Takk fyrir samveru og samskipti – með von um að næsta ár verði enn betra og skemmtilegra en það sem nú er senn á enda.
Þó að þessi vefur hafi verið óvirkur undanfarnar vikur hef ég samt verið duglegur að tjá mig á öðrum vettvangi; nefnilega á þessum vef, þar sem fluttar eru fréttir af gangi lokaverkefnisins sem ég er að vinna að í skólanum.
Lokaafurð verkefnisins verður vefurinn orðabókin.is, auk greinargerðar um framkvæmd og vinnslu vefsins. Þetta á allt saman að verða tilbúið til afhendingar 16. janúar næstkomandi og verður því í vinnslu þangað til.
